O lume calcina a herba acumulada nunha nave de Rodeiro

Un incendio reduciu a cinzas a herba almacenada nunha nave agrícola do concello de Rodeiro. Esta mañá aínda saía fume da instalación sinistrada, situada no lugar de Bardelás, na parroquia de Carboentes.

Descoñécese cal foi a causa do incendio. Segundo di a súa propietaria, descubriron o lume cando estaban a cambiarlle a batería a un tractor este martes ao mediodía.

Como consecuencia do sinistro, quedou destruída parcialmente a cuberta, composta de placas de fibrocemento.