O Noia Portus Apostoli empata co Antequera (4-4) e mantense na zona alta

Na Primeira División de fútbol sala, o Noia Portus Apostoli sumou un punto máis na casa fronte ao Antequera. Séguese a resistir o primeiro triunfo no Agustín Mourís. E iso que no Noia marcou ata o seu porteiro, Henrique. Foi o encargado de abrir o marcador. E, logo de empatar Davilillo, Neguinho establecía o dous a un.

O Antequera remontou e colocouse cun 2-4 xa no segundo tempo, con goles de Burrito, Pablo Ordóñez e Cobarro. A reacción do Noia permitiulle salvar un punto. Os tantos de Machado e Marcelo manteñen os do Barbanza na zona de privilexio da clasificación.