O nordeste peninsular fai balance dos danos ocasionados polas treboadas
O nordeste peninsular fai balance dos danos ocasionados polas treboadas
O outono chegou precedido de precipitacións fortes e tormentas
Navarra, A Rioxa, Aragón, Cataluña e Valencia sufriron inundacións
Tras as fortes precipitacións do sábado, o caudal dos ríos navarros creceu considerablemente. Os que se achegaban este domingo a ver o Ultzama sorprendíanse.
En Auza, no Val do Ultzama, foi día de limpeza e balance de danos. Os regatos que descenden das montañas anegaron sete casas e numerosos baixos desta localidade de pouco máis de 150 veciños. Os residentes aseguran que xamais viviran unha tromba de auga así.
En Nájera, na Rioxa, en media hora recolleron máis de 35 litros por metro cadrado. A rúa Maior converteuse nun lameiro que danou vivendas e negocios.
Cataluña, Aragón e a Comunidade Valenciana figuran tamén entre as comunidades afectadas por inundacións esta fin de semana. Para este luns, a Aemet xa non ten activo ningún aviso.
