A Xunta atrasa o "toque de non queda" ás 3 da mañá para ampliar o horario do ocio nocturno

O sector do ocio nocturno negociou esta tarde coa Xunta o horario de apertura de cara ás celebracións de Noitevella. Acordaron abrir ata as 3 da madrugada desde a noite de fin de ano ata o 18 de xaneiro. 

Polo tanto, o "toque de non queda" anunciado a mañá deste martes por Julio García Comesaña estenderíase de 3 a 6 da madrugada. 

Axudas ao sector

Porén, os establecementos que decidan non abrir baixo estas condicións poderán acollerse a un novo paquete de axudas que tamén se negociou esta tarde. Só terían dereito a estas bonificacións aqueles negocios que decidan non abrir, excluíndo aqueles que efectivamente adopten este horario.

As axudas repartiranse en función dos metros cadrados que teñan os locais:

• Menos de 100 m²: axudas de 2.500 €

• Entre 100 m² e 250 m²: axudas de 5.500 €

• Entre 250 m² e 500 m²: axudas de 9.000 €

• Entre 500 m² e700 m²: axudas de 14.000 €

• Entre 700 m² e 2000 m²: axudas de 27.000 €

• Máis de 2.000 m²: axudas de 45.000 €

Outras medidas na hostalería e ocio nocturno

Os bares e restaurantes quedan de novo sen uso da barra e terán que pechar ás doce da noite, agás os venres e os sábados, días que o horario se amplía ata a unha. Ademais, a partir das doce da noite do venres será obrigatorio presentar o certificado covid para entrar nos bares e nas cafeterías a calquera hora.

De luns a venres bares e restaurantes só estarán abertos ata as doce da noite, e as fins de semana ata a unha. O mesmo que a noite do 31. Ese día poderán pechar á unha da mañá, pero non poderán volver abrir antes das dez da mañá do día seguinte. 

As recomendacións esténdense ás celebracións en familia. Sanidade insiste en que non se xunten máis de dúas unidades familiares, e por suposto, que non se fagan festas de Noitevella privadas.

Sanidade tamén propón evitar os eventos musicais masivos, e de celebrarse, terá que ser co público sentado. Na mesma liña, tamén recomenda evitar as aglomeracións en Reis, e mellor se as cabalgatas son estáticas.

Tras a reunión co sector do lecer nocturno, Alfonso Rueda asegurou que estas medidas se toman co obxectivo de compatibilizar a situación pandémica actual coa actividade económica.

O certificado covid será obrigatorio en bares e restaurantes a todas horas e volven pechar as barras.Sanidade tamén propón evitar os eventos musicais masivos, e de celebrarse, terá que ser co público sentado. Tamén recomenda evitar as aglomeracións en Reis, e mellor se as cabalgatas son estáticas.

As recomendacións esténdense ás celebracións en familia. Sanidade insiste en que non se xunten máis de dúas unidades familiares, e por suposto, que non se fagan festas de Noitevella privadas.
O Goberno galego di que o obxectivo de todas estas medidas é reducir a mobilidade e a interacción social. A Xunta tamén confirmou que a volta ao cole se mantén nos días previstos.