Récord de 20,8 millóns de ocupados tras sumar outros 200.400 afiliados en maio

O emprego volveu avanzar en maio con 200.411 afiliados máis á Seguridade Social en termos medios, o que eleva por primeira vez o total de ocupados por encima dos 20,8 millóns, mentres que o paro baixou en 49.260 persoas ata os 2,7 millóns, a menor cifra desde 2008.

O número de parados rexistrados nas oficinas dos servizos públicos de emprego baixou en 49.260 persoas en maio en relación ao mes anterior (-1,8 %) impulsado, sobre todo, polo sector servizos, que concentrou o 70 % da caída do desemprego.

O departamento que dirixe Yolanda Díaz destacou que o descenso de maio é "moi positivo" e enmárcase nun contexto de "contratación de calidade e en máximos históricos tanto de afiliación como de poboación activa".

A baixada do paro en maio deste ano, a terceira consecutiva tras a de marzo e abril, é inferior ás caídas experimentadas nos maios de 2022 e 2021, cando o desemprego baixou en 99.512 e 129.378 persoas.

Díaz destaca que nesta lexislatura sumáronse 1,65 millóns de afiliados

A vicepresidenta segunda e ministra de Traballo, Yolanda Díaz, destacou que o mercado laboral ha sumado 1.650.000 afiliados desde que se formou o Goberno de coalición en xaneiro de 2020, cunha cifra récord do total de cotizantes á Seguridade Social de máis de 20,8 millóns de persoas.

En declaracións remitidas aos medios, a vicepresidenta destacou que hai máis de 3 millóns de afiliados que son menores de 30 anos e 9,8 millóns, mulleres, "a cifra máis alta da historia do país".

"Hai máis emprego e de máis calidade porque case un de cada dous contratos son indefinidos e iso permite que a taxa de temporalidade no sector privado estea no 13,7 %, a máis baixa da historia, por baixo xa do nivel medio da Unión Europea"

✅ El paro se reduce y el empleo aumenta alcanzando cifras sin precedentes en un mes de mayo.

Reducimos el desempleo en casi 50.000 personas y alcanzamos la cifra más alta de personas cotizando a la Seguridad Social en la historia de nuestro país. pic.twitter.com/P3Jvte3XZe

— Yolanda Díaz (@Yolanda_Diaz_) June 2, 2023

 

Mínimo de paro xuvenil

Ao detalle do desemprego, o paro rexistrado descendeu en todos os sectores: nos servizos en 34.665 persoas; na industria en 4.622; en construción en 3.896 parados menos, e agricultura, con 2.501 persoas menos en desemprego.

O colectivo sen emprego anterior tamén se apunó unha caída de 3.576 persoas.

"Trátase dun descenso moi positivo nun contexto de contratación de calidade e en máximos históricos tanto de afiliación como de poboación activa", sinala o Ministerio de Traballo.

O descenso deste maio supón a metade da cifra do ano pasado, cando se reduciu en 99.512, e é o máis moderado para este mes desde 2012 con excepción de 2020 cando repuntó en metade da pandemia.

En termos interanuais, o paro descendeu en 183.881 persoas e a cifra total, eses 2,7 millóns, é a menor desde 2008.

A redución do desemprego masculino e do feminino foi similar en termos absolutos. O paro feminino baixou en 24.540 mulleres ata un total de 1.655.027 e o desemprego masculino situouse en 1.084.083 ao descender en 24.720 homes.

Pola súa banda, o desemprego dos mozos menores de 25 anos diminuíu en 7.208 persoas deixando o total de mozos en situación de desemprego no mínimo de toda a serie histórica: 188.043.
 

Galicia, cuarta comunidade en que máis baixou o paro

O mercado laboral segue recuperándose en Galicia, do mesmo xeito que no conxunto de España, e no mes de maio sumou 8.770 empregos, un 0,84 % que o mes anterior, ata 1.059.085 ocupados; mentres que o paro reduciuse o pasado mes en 4.909 persoas, un 3,52 %, ata 134.434 desempregados.

Segundo os datos difundidos este venres polos Ministerios de Inclusión, Seguridade Social e Migracións e de Traballo, no conxunto de España creáronse en maio 200.411 empregos, un 0,97%, unha décima máis que en Galicia, ata os 20.815.399. 

O paro tamén descendeu no mes de maio no conxunto de España, un 1,77 %, a metade que en Galicia, ata os 2.739.110 desempregados.

Para a Xunta os datos galegos son de marca

A conselleira de Emprego, María Jesús Lorenzana, asegurou que os datos de desemprego en Galicia, duplican a baixada do resto das comunidades autónoma

"Sobre todo, moi importante baixada de case cinco mil persoas do paro, pero temos moitos máis cotizantes a seguridade social, 8.700. Indica que esas persoas que saíron do paro están traballando, senón que novos traballadores e traballadoras incorporándose ao mercado laboral que non estaba anotadas nas listaxes de desemprego" afirmou Lorenzana.

A consellería destaca por sectores a baixada no sector primario, da construcción e a industria, neste último mes e dende o ano pasado baixa o paro. Estes datos apuntan a maior subida da economía dende 2018. 

"Hai máis de 134 mil persoas desempregadas en Galicia é a cifra máis baixa nos últimos 27 anos, segundo a Xunta. Considera unha cifra de marca, porque era moi difícil baixar do 139.000 parados" segundo a conselleira.

"Das novas contratacións que se fixeron o 25% son fixos discontínuos, no mes de maio houbo máis de 5.000. Hai que seguir a loitar por un emprego de maior calidade e que eses contratos de calidade, que se convirtan en indefinidos a tempo completo" conclúe Lorenzana.

Lorenzana fai un chamamentos aos empresarios para que trasladen ao Servizo Galego de Emprego as súas vacantes. Teñen unha estimación de 15.000 vacantes, por din que é fundamental poder cruzar eses datos cos das 134.000 persoas sen emprego.