O partido do Obradoiro en Cantabria, suspendido polo mal estado da pista

O partido entre o Torrelavega e o Obradoiro da Primeira FEB tivo que suspenderse polo mal estado da pista. A humidade que había sobre o parqué facía imposible que os xogadores puidesen manterse de pé. De feito, Andronikashvili tivo que retirarse mancado por unha caída. 

O Obradoiro mandaba no marcador por 19-26 despois de chegar ao descanso gañando por tres puntos con Micovic moi acertado (8 puntos). Pero os árbitros decidiron parar o partido e, ao ver que non se podía mellorar o estado da pista, decidiron suspendelo e haberá que poñer unha nova data para reanudar o encontro con 7 minutos por xogar do segundo cuarto.