O PNV reunirase por "cortesía" con Feijóo, sen entrar "en combinacións" con Vox
O PNV reunirase por "cortesía" con Feijóo, sen entrar "en combinacións" con Vox
Aitor Esteban recordou que Feijóo non dispón dunha maioría parlamentaria para ser presidente
Cree que a reunión servirá para coñecerse, "pero para pouca cousa máis"
Aitor Esteban na rolda de consultas co rei este luns
O portavoz do PNV no Congreso, Aitor Esteban, explicou que acudirá á chamada de Feijóo para reunirse, se este se pon en contacto con el.
Onte, Feijóo asegurou que comezaría unha rolda de reunións o próximo luns de ser o candidato nomeado polo rei para ir á investidura. Polo momento, xa se coñece a data para a celebración do debate de investidura, o 26 e 27 de setembro.
Aitor Esteban sinalou que Núñez Feijóo e el non se coñecen "persoalmente" e engadiu que "para iso pode servir a reunión, pero para pouca cousa máis". O portavoz do PNV insistiu en que o seu partido ten "clara" a súa posición: "En combinacións nas que entre Vox, nós non podemos estar".
Esteban lembrou que o PP "neste momento" non ten unha maioría parlamentaria para facer presidente a Feijóo e considerou que, "salvo gran sorpresa", será "bastante complicado que o consiga". "Agora ben, con estas cousas non se sabe ata o último momento", engadiu o portavoz do PNV.
Esteban sinalou que ata a investidura de Feijóo "vai haber xogo duns e outros. Imos ver que queren os socialistas".
