O Pontevedra empata sen goles ante a Balompédica Linense en Pasarón

O Pontevedra empatou sen goles en Pasarón ante a Balompédica Linense. Foi nun partido que os granates controlaron na primeira metade, pero no que lles faltou clarividencia nos últimos metros. Álex González gozou da máis clara ocasión para desequilibrar o marcador, pero o seu remate logo dunha gran xogada de Bastos saíu moi preto do pau.

Na segunda metade o Pontevedra non tivo tanta presenza no terreo rival e tivo que lamentar a lesión de Samu Araújo, que marchou axudado polos compañeiros, probablemente cun problema muscular. Xusto antes, desbaratara a ocasión máis clara dos andaluces.

Coa igualada, os de Antonio Fernández suman tres xornadas sen perder e mantéñense na zona morna da táboa con seis puntos.