O Porto, destino para os turistas galegos nesta Semana Santa

Moi abrigados e cos seus paraugas, os galegos no Porto son nestas datas unha porcentaxe importante dos turistas que chegan á cidade. E moitos veñen cos seus plans moi claros.

E algúns aínda que son de Vigo visitan por vez primeira a cidade. Nas cadeas hoteleiras galegas con presenza no Porto este ano recoñecen que non chegan ao 100 por cento de ocupación, rozan o oitenta.

O tempo está claro que condiciona a porcentaxe de ocupación pero aínda así a capital do norte do Portugal segue a ser destino moi importante dos galegos nestas datas.