O PP cre que a proposta de debate de Pontón é "síntoma de debilidade"

O voceiro parlamentario do PPdeG, Pedro Puy, sostivo que lle parece un "síntoma de debilidade" do BNG para esta cita coas urnas, na que "o natural" é que as forzas políticas confíen nos seus candidatos especialmente "despois de todos as loanzas" que se escoitaron cara ao seu deputado na cámara baixa e actual cabeza de lista do BNG pola provincia da Coruña.

Así mesmo, considerou que a proposta tamén mostra "debilidade" porque se trata dunhas eleccións xerais.

"O feito de querer introducir o debate entre líderes autonómicos, que sería propio dunhas eleccións autonómicas, non deixa de querer digamos deixarse ver porque os resultados paréceme que non son os que podían esperar", indicou.