O PP pide a dimisión do fiscal xeral do Estado, ao que se refire como "o ministro 23 do Goberno"
O PP pide a dimisión do fiscal xeral do Estado, ao que se refire como "o ministro 23 do Goberno"
A vicepresidenta primeira, María Jesús Montero, acusa os populares de ultraxar as institucións do Estado
O Partido Popular insiste en pedir a dimisión do fiscal xeral do Estado, ao que este martes no Senado se referiron como "un ministro máis do Goberno".
Alicia García Rodríguez, senadora do PP, di: "Xa está ben de manter o seu ministro 23, o Fiscal Xeral do Estado, reprobado no Senado e a un paso da imputación por revelar segredos dun cidadán. A única saída que ten é a dimisión".
Desde o PSOE acusan o PP de ultraxar as institucións do Estado.
María Jesús Montero, vicepresidenta primeira do Goberno, afirma: "Non poden estar permanentemente denostando as institucións cando non lles gusta o sentido en que resolven".
"Atacan permanentemente da democracia desde o seu populismo de extrema esquerda. Non queda nada do PSOE da Transición. Agora son o partido sanchista contra a Constitución", respondeu a senadora do PP.
Na última intervención, a vicepresidenta primeira do Goberno referiuse así aos populares: "Se non queren axudar polo menos deixen de estorbar e deixen gobernar".
