Feijóo será senador por designación autonómica
Feijóo será senador por designación autonómica
Ocupará o escano de Juan Serrano, que presentará este luns a súa renuncia
Tamén está previsto que Miguel Tellado substitúa a Elena Muñoz na cámara alta
Alberto Núñez Feijóo tras a xuntanza do Consello o pasado xoves. EFE/Lavandeira jr
Juan Serrano, senador por designación autonómica á proposta do Parlamento de Galicia, presentará este luns a súa renuncia ao cargo. O PPdeG proporá a Alberto Núñez Feijóo para ocupar a vacante que deixa no Senado.
Segundo informan fontes do Partido Popular, nos próximos días formalizarase a saída de Feijóo da Xunta, finalizarase o proceso da súa substitución no PPdeG e activarase a súa chegada á cámara alta.
No marco desta renovación, tamén está previsto que este luns renuncie como senadora por designación autonómica Elena Muñoz, e a persoa proposta para substituíla no exercicio das devanditas funcións será Miguel Tellado.
