O presidente Pedro Sánchez pasa uns días de vacacións coa familia en Marrocos

O presidente do Goberno en funcións, Pedro Sánchez, viaxou este martes a Marrocos para pasar uns días de vacacións coa súa familia.

Sánchez viaxou nun avión de liña comercial ata o aeroporto de Marrakech. Alí descansará uns días coa súa familia antes de iniciar o novo curso político.

Trátase dunha viaxe "estritamente privada", segundo fontes de Moncloa, "pagada integramente con recursos propios" polo presidente do Goberno e na que non se contempla ningunha axenda institucional.

Aínda que inicialmente se especulou con que Sánchez se desprazaría a Lanzarote, as mesmas fontes explican que o xefe do Executivo en funcións permaneceu en Madrid ata este martes.