O prezo da luz baixa este domingo ata os 75 euros o megawatt hora
O prezo da luz baixa este domingo ata os 75 euros o megawatt hora
Manterase por cuarto día consecutivo por baixo da barreira dos 100 euros
![](https://img-g24-crtvg.flumotion.com/prog24/2023/20230408/prezoluz.jpg)
O prezo medio da luz baixa este domingo un 12,76 %, ata os 75,57 o megawatt hora (MWh), co que se mantén por cuarto día consecutivo por baixo da barreira dos 100 euros. Hai un ano, a electricidade alcanzou os 241,6 euros/MWh, un 68,7 % máis.
Así mesmo, continuará sen aplicarse o tope ao gas, xa que a cotización desta materia prima no Mercado Ibérico do Gas (Mibgas) mantense por baixo do límite dos 56,1 euros/MWh fixado polo Goberno para marzo.
Por franxas horarias, a hora máis cara deste domingo sitúase entre as 00:00 e 01:00 horas (127,99 euros/MWh). Na máis barata, de 16:00 a 17:00, o megawatt hora pagarase a 0,10 euros, de acordo cos resultados da poxa celebrada o sábado no mercado almacenista.
En Alemaña, o prezo medio será de 105,05 euros/MWh; o mesmo que en Francia; en Italia, de 161,52 euros/MWh; e, no Reino Unido, sobre os 107 euros/MWh.