O prezo da luz descende este mércores ata os 85,19 euros/MWh, o máis baixo no que vai de ano
O prezo da luz descende este mércores ata os 85,19 euros/MWh, o máis baixo no que vai de ano
O prezo medio situarase así por baixo da barreira dos 100 €/MWh por primeira vez desde o 27 de decembro
O prezo do gas natural sobe máis dun 5 % este martes, pero permanece por baixo dos 100 euros/MWh
![](https://img-g24-crtvg.flumotion.com/prog24/2022/20220407/prezo_luz_electricidade_3_070422.png)
O prezo medio da electricidade no mercado grosista descende este mércores un 24,01 %, ata os 85,19 euros/MWh, o seu prezo máis baixo no que vai de ano. Segundo os datos do Operador do Mercado Ibérico da Electricidade, o prezo medio situarase así por baixo da barreira dos 100 €/MWh por primeira vez desde o 27 de decembro e rexistrará o seu valor máis baixo desde o 31 de outubro, cando se negociou a 79 €/MWh de media.
O prezo medio da electricidade deste mércores será un 84,36 % inferior ao que se rexistrou o pasado 8 de marzo, cando a electricidade alcanzou os 544,98 €/ MWh, o seu máximo ata a data, motivado pola alza dos prezos do gas tras o inicio da invasión rusa sobre Ucraína.
O gas sobe máis dun 5 % e continúa por debaixo dos 100 euros/MWh
O prezo do gas natural no mercado europeo sobe máis dun 5 % este martes, pero permanece por baixo dos 100 euros/MWh, unha cota que superou practicamente todo o mes de marzo. Segundo os datos de mercado, o gas TTF para entrega en abril no mercado holandés sobe un 5,2 % despois do mediodía, ata os 95 euros/MWh.
Na semana o gas cae un 7,87 % e un 55,18 % respecto ao máximo histórico que alcanzou o pasado 7 de marzo, cando pechou en 212 euros/MW, tras coñecerse que a UE barallaba un embargo aos hidrocarburos rusos.