O rei emérito, satisfeito no seu reencontro coas rías galegas

Sobre as sensacións do rei tras a súa primeira xornada na ría de Pontevedra falamos con persoas que puideron intercambiar algunhas palabras con Xoán Carlos. O responsable de Comunicación do Náutico de Sanxenxo confirmounos que onte as condicións de vento e mar non convidaban a que o rei Xoán Carlos participase na regata. 

Este sábado as previsións apuntaban unha xornada máis propicia e era o día previsto para que puidese poñerse ao mando do Bribón e non na embarcación auxiliar coma onte. Tamén nos contou que estaba moi contento co seu reencontro coas rías galegas e que onte, ao final da xornada, non podía agochar a súa satisfacción.