Xoán Carlos I chega este luns a Sanxenxo na súa cuarta visita a España

Xoán Carlos I chega este luns a Sanxenxo, na que é a súa cuarta visita a España desde que marchou a vivir a Abu Dhabi. 

Coma nas tres visitas anteriores, o rei emérito viaxa en avión privado ata Vigo e alóxase na casa do seu amigo Pedro Campos, o armador do Bribón. Vai quedar unha semana para participar na regata que leva o seu nome.

O xoves tamén estará en Galicia Filipe VI, no foro da Toxa, a só 15 quilómetros de distancia, pero non transcendeu se van manter algún tipo de encontro.