O Reino Unido non descarta novos bombardeos se os hutís atacan máis barcos

A guerra aberta entre Israel e os palestinos de Hamás está tamén detrás dos problemas para a navegación comercial no Mar Vermello onde os rebeldes hutís do Iemen atacan calquera barco que circule pola zona e que teña algo que ver con intereses israelís. 

Novos bombardeos

Este domingo, o ministro británico de Exteriores, David Cameron, asegurou que non descartan máis bombardeos contra bases hutís no Iemen se os rebeldes seguen ameazando o tráfico marítimo internacional.

Deste xeito, o Reino Unido secunda a ameaza formulada este sábado polo presidente dos Estados Unidos, Joe Biden.

Dura resposta

Os milicianos hutís responderon polo momento só con palabras asegurando que os bombardeos norteamericanos e británicos non quedarán sen castigo.