O reto dunha defensa europea máis forte e autónoma

 A fisura do apoio estadounidense á defensa europea obriga aos 27 a sacar adiante un plan de rearmamento. Destinarán 800.000 millóns de euros a aumentar a súa autonomía. 

En 2023 os países europeos integrados na OTAN investiron 340.000 millóns de euros en gasto militar. A cifra supera a de potencias como A China ou Rusia. Pero a Unión Europea non ten unha política común de defensa e, sen o paraugas dos Estados Unidos, tampouco capacidade disuasoria respecto a Rusia.  

"O tempo das ilusións rematou. Europa está chamada a facerse cargo en maior medida da súa propia defensa. Necesitamos unha aumento da defensa europea. E necesitámolo xá", afirmaba a presidenta da Comisión, Ursula Von der Leyen. 

Pero as políticas de defensa requiren décadas de planificación. O principal reto europeo é definir a que obxetivos destinará ese incremento do gasto. E compre reactivar a industria de defensa en fase de desinversión desde a fin da Guerra Fría.

A UE tamén ten o reto de definir a que partidas destina o incremento do gasto militar.  As prioridades non son as mesmas para os paíes do leste e centroeuropa que para os países mediterráneos.

No Foco afondamos nestas cuestións da man do Director de Estudos da Defensa da USC, José Julio Fernández e do Director do Instituto Español de Estudos Estratéxicos, o Xeneral de Brigada, Víctor Bados Nieto.