Os EUA pídenlle a España que aumente o gasto en Defensa e elimine a taxa Google
Cuerpo afirma que cumprirán co compromiso ante a OTAN de investir en Defensa polo menos un 2 % do PIB
O ministro de Economía ve viable acadar un acordo xusto cos Estados Unidos sobre os aranceis
A China acusa os EUA de ser "quen empezou" a guerra comercial e pídelles que se deixen de ameazas
O Departamento do Tesouro dos Estados Unidos fixo público un comunicado tras a reunión do seu secretario, Scott K. H. Bessent, co ministro español de Economía, Comercio e Empresa, Carlos Cuerpo, no que detalla que, neste encontro, pedíuselle ao ministro un aumento do gasto en Defensa e a eliminación da chamada taxa Google.
"Durante as súas conversas, Bessent destacou a necesidade dun maior gasto en Defensa por parte de España no contexto da OTAN", sinalan.
Ademais, no encontro, o secretario do Tesouro norteamericano trasladoulle ao ministro Cuerpo "a oposición continuada dos Estados Unidos ao imposto sobre os servizos dixitais aplicado por España e outros países, así como a outras barreiras non arancelarias".
Desde o Departamento do Tesouro sinalan que Bessent e Cuerpo mantiveron conversas "francas" sobre cuestións relativas ao comercio entre os Estados Unidos e España.
.png)