O Supremo cita a Baltar para que declare voluntariamente o 12 decembro
O Supremo cita a Baltar para que declare voluntariamente o 12 decembro
A citación busca evitar que o Alto Tribunal teña que pedir o suplicatorio ao Senado pola causa aberta contra o expresidente da Deputación de Ourense por circular a 215 Km/h
![](https://img-g24-crtvg.flumotion.com/prog24/2023/20230531/baltar-seguridade-vial-310523.png)
O Tribunal Supremo citou o próximo 12 de decembro o expresidente da Deputación de Ourense e senador do PP José Manuel Baltar Blanco para que declare voluntariamente no marco da causa aberta por circular nun coche oficial a 215 quilómetros por hora o pasado mes de abril nun tramo limitado a 120.
A maxistrada Ana María Ferrer ditou unha providencia na que lle empraza ese día ás 10 horas para que preste declaración voluntaria antes de pedir, no seu caso, un suplicatorio á cámara alta.
O Tribunal Supremo abriu esta semana unha causa contra Baltar ao apreciar que puido incorrer nun delito contra a seguridade viaria cando circulaba o pasado mes de abril a 215 quilómetros por hora nun tramo da autovía A-52 á altura da comarca zamorana de Seabra limitado a 120.
A sala do penal recibiu o pasado 27 de setembro testemuño de xuízo rápido e dilixencias urxentes remitidas por xulgados de Zamora e A Pobra de Seabra polo aforamento de Baltar ao ser nomeado senador.