O Supremo pecha definitivamente a investigación contra Puigdemont por terrorismo
O Supremo pecha definitivamente a investigación contra Puigdemont por terrorismo
O Tribunal desestima os recursos presentandos polas acusacións
Tamén estaba investigado o deputado de ERC Rubén Wagensberg
A decisión do Supremo confirma así a decisión da instrutora de arquivar a causa de Tsunami
EFE
O Tribunal Supremo pecha definitivamente a investigación contra o expresidente catalán Carles Puigdemont e o deputado de ERC Rubén Wagensberg por un delito de terrorismo polo seu papel na plataforma Tsunami Democràtic que organizou as protestas contra a sentenza do procés.
Nun auto, a sala do penal do Tribunal Supremo desestima os recursos que presentaron as acusacións exercidas por Societat Civil Catalá, Vox e a asociación Dignidade e Xustiza e confirma a decisión da xuíza instrutora de arquivar a causa de Tsunami, despois de que se declarasen nulas as dilixencias practicadas nos últimos meses por un erro procesual.
A maxistrada pechou o caso unha vez que o xuíz Manuel García-Castelló arquivou a causa da Audiencia Nacional na que figuraban dez persoas investigadas, entre elas a secretaria xeral de ERC, Marta Rovira, tras a decisión da sala do penal de declarar a invalidez das dilixencias nesta causa desde o 29 de xullo de 2021.
