O Supremo rexeita o recurso de Delgado polo seu ascenso e lamenta o seu ton "irrespectuoso"
O Supremo rexeita o recurso de Delgado polo seu ascenso e lamenta o seu ton "irrespectuoso"
O Alto Tribunal apreciaba na súa sentenza "desviación de poder" na proposta que fixera o fiscal xeral do Estado, García Ortiz
O Tribunal Supremo rexeitou o incidente de nulidade presentado pola exfiscal xeral do Estado Dolores Delgado contra a sentenza que anulou a súa promoción a fiscal de sala nun auto en que pon de manifesto o "carácter francamente irrespectuoso" dalgunhas expresións usadas pola recorrente.
A Sala do Contencioso-Administrativo do Tribunal Supremo desestima o escrito de Delgado contra a sentenza do pasado 21 de novembro que anulou o Real Decreto polo que foi promovida á máxima categoría da carreira fiscal e nomeouna fiscal de Sala da Fiscalía togada do Tribunal Supremo.
Fíxoo ao apreciar "desviación de poder" na proposta que fixo o fiscal xeral do Estado, Álvaro García Ortiz, a quen obrigou a expor outra candidatura.
