O tráfico na estrada de Figueirido, entre a N-550 e a AP-9, permanecerá cortado por obras desde o mércores
O tráfico na estrada de Figueirido, entre a N-550 e a AP-9, permanecerá cortado por obras desde o mércores
O tráfico na estrada de Figueirido, entre a N-550 e a AP-9, permanecerá cortado por obras desde o mércores
Segundo informou o Ministerio de Transportes, as repercusións no tráfico terán unha duración aproximada de tres meses
![Imaxe de arquivo da AP-9](https://img-g24-crtvg.flumotion.com/prog24/2024/20240617/col2MESESALEGACIONSAP9_frame_218.png)
As obras da autovía A-57 entre Vilaboa e A Ermida, que inclúen a remodelación da estrada de Figueirido entre a N-550 e a AP-9, obrigarán a cortar o tráfico desde este mércores ás 08.00 horas no ramal de conexión da AP-9 en sentido Redondela.
Segundo informou o Ministerio de Transportes, as repercusións no tráfico terán unha duración aproximada de tres meses, sempre que o permitan as condicións meteorolóxicas.
O itinerario alternativo para o movemento procedente da AP-9 que se queira incorporar á N-550 sentido Redondela (sur), que estará debidamente sinalizado, será o seguinte: tomar o desvío provisional a través do carril interior da futura glorieta; cruzar a estrutura sobre a N-550; percorrer a glorieta ao lado oeste; utilizar o ramal da conexión sentido Pontevedra para incorporarse á N-550; realizar un cambio de sentido en Ligazón de Bértola coa EP-0002; e incorporarse á N-550 en sentido Redondela.