Onde chove máis? Na Coruña ou en Vigo?

Difícil pechar na rúa este eterno debate, onde os datos se mesturan cos sentimentos. Nin os coruñeses nin os vigueses parecen querer gañar nesta pugna.

Se nos remitimos ás estatísticas, din que en 2020 houbo máis días chuviosos na Coruña. Porén os pluviómetros recollen máis auga na cidade olívica, onde as precipitacións son moito máis intensas e abundantes.

Fronte a estes datos, na rúa, nunca chove a gusto de todos.