Operación retorno con máis de 200 voos durante a fin de semana
Operación retorno con máis de 200 voos durante a fin de semana
O domingo será o día de máis actividade aérea da operación retorno
Un voo procedente de Madrid con destino Peinador desviouse a Santiago
Nos aeroportos galegos a trasfega de viaxeiros transcorre con normalidade. Para esta xornada están programados 96 voos.
O Rosalía de Castro, de Santiago, é o que máis tráfico rexistra, con 58 operacións. Pero será este domingo o día de máis actividade desta operación retorno, con 114 voos en total.
Tanto nas saídas coma nas chegadas, a maioría volve á rutina laboral e escolar.
"Vivimos nas Palmas de Gran Canaria pero temos aquí a toda a familia así que sempre procuramos volver no Nadal, Semana Santa e nos veráns. Agora acábanse os días de vacacións e toca volver á rutina".
"Agora toca volver ao colexio, pero polo menos vin a familia".
"Empezo este luns con ganas de ver os meus amigos".
"Volvo para Suíza despois de visitar os meus avós".
"Eu levo aló 30 anos e vir e ir é un trastorno porque ao final sempre vas e vés. Pero é bonito tamén".
En canto ás incidencias que o temporal deixou a primeira hora, o vento e a mala visibilidade obrigaron a desviar un voo procedente de Madrid con destino a Peinador, que aterrou en Santiago. No Rosalía de Castro demorouse a saída dun avión con destino Basilea.
