Os catro equipos da 1ª Federación buscarán un pleno de vitorias como na última xornada

Nin matemáticas nin física e química, a Idiakez préstalle máis a lóxica filosófica do día a día.

"Eu fago tres o sábado en Cornellá, son as miñas matemáticas".

Con Lucas Pérez aínda moi verde para xogar en Cornellá e con Mella listo, pero sobrecargado con tres partidos da selección sub-19 nas últimas datas, o técnico deportivista saca peito polos futbolistas con menos minutos.

En Vigo tampouco queren tirar de calculadora para pouco máis ca para constatar que a clasificación está nun pano de man e que as xornadas que quedan, nove, van ser movidas.

Fredi: "Está todo moi igualado. Hai 5-6 equipos nunha distancia moi curta".

"Haberá moitos enfrontamentos directos. Non podemos desbotar nada ata o final".

O troco de Benítez por Claudio Giráldez supuxo a marcha dunha peza fundamental do Fortuna, Hugo Álvarez, reforzo canteirán para o primeiro equipo e misión filial cumprida, malia o descosido que provoca.

O Lugo ten desprazamento a León. Alí agarda a Cultural a un equipo de Trashorras impulsado pola última vitoria no Anxo Carro e a remontada o Sestao.

"Roberto Trashorras: "É unha vitoria que nos ten que impulsar e reforzar".

Coa promoción aínda a dez puntos e un rival que non pode deixar escapar nin chica do seu feudo do Reino de León, Trashorras aspira a sorprender coas variantes do xogo lugués.

O Arenteiro está por riba do Lugo na clasificación e os do Carballiño son os únicos dos galegos que xogan na casa esta xornada. Un partido de máis madeira para a súa condición de revelación na categoría.

Javi Rey : "Podemos sumar de tres e sería unha vitoria moi importante".

"Por chegar a 46 puntos que nos garante manter a categoría".

A Javi Rey preocúpalle o rival, a Real Sociedade B, un filial do melloriño do fútbol español, e ao que define como "talento puro".