Os empregados públicos cobrarán un 0,5 % adicional este ano pola evolución de inflación

Os empregados públicos cobrarán a suba salarial adicional do 0,5 % para este ano pactada co Ministerio de Facenda e que estaba ligada á evolución do índice de prezos de consumo harmonizado de 2022 e do adiantado de setembro de 2023.

Tras publicarse este xoves as cifras de inflación adiantadas do mes de setembro, cunha taxa de variación anual é do 3,2 %, confírmase a activación dunha das subas adicionais contempladas no acordo salarial para o sector público.

Este acordo recollía que á suba fixa do 2,5 % xa aplicada este ano engadiríase unha alza variable do 0,5 % con efecto desde xaneiro se a suma do índice de prezos de consumo harmonizado de 2022, que foi do 5,5 % en decembro, e do IPCA adiantado de setembro de 2023, ese 3,2 %, era superior ao 6 %.

Para este mesmo ano está prevista outra suba variable do 0,5 % se o PIB crece un 2,1 % no conxunto do ano.

Os sindicatos CCOO e UXT xa solicitaran fai un par de semanas unha reunión ao Ministerio de Facenda e Función Pública para abordar este aumento salarial que esperaban cobrar na nómina de outubro.