Os gandeiros vense na obriga de tirar o leite
Os gandeiros vense na obriga de tirar o leite
Situación de asfixia nas explotacións galegas, cos tanques cheos e sen poder vender o leite
Litros e litros de leite polo chan dan testemuño da situación límite que viven os gandeiros. Non poden parar o seu traballo, as vacas teñen que comer e ser muxidas para evitar que enfermen. As explotacións están sufrindo grandes perdas. O único ingreso é a venda de animais e leite nunha industria que está paralizada.
Ante a imposibilidade de darlle saída ao leite, algúns gandeiros fan un chamamento aos cidadáns para que vaian recollelo.
![](https://img-g24-crtvg.flumotion.com/prog24/2022/20220318/leite_paro_transporte_2.png)
Mentres, dende Unións Agrarias entenden que as reivindicacións dos transportistas son xustas, pero pídenlles responsabilidade.
Para sindicatos e gandeiros, a única saída está no entendemento e o diálogo para desbloquear esta situación.