Cargando resultados...
Os reis solidarízanse cos afectados polo incendio de Valencia
Os reis solidarízanse cos afectados polo incendio de Valencia
No lugar do sinistro agradeceron o traballo dos servizos de emerxencia
![](https://img-g24-crtvg.flumotion.com/prog24/2024/20240226/FORTADIRVISITAREISAVALENCIA2402261753.01_frame_240948.png)
G24.gal
26/02/2024 20:29
Última actualización 26/02/2024 20:38
Os reis viaxaron a Valencia para solidarizarse coas vítimas do incendio no edificio do barrio do Campanar. En primeiro lugar, acudiron ao Palau de la Música, onde se reuniron en privado con afectados pola traxedia.
Despois achegáronse ata o edificio sinistrado. Alí agradeceron o labor dos bombeiros na extinción do incendio. Tamén o de todos os corpos de seguridade e servizos de emerxencia que colaboraron na atención e rescate das vítimas e nos traballos derivados do sinistro.
Moitos veciños do barrio achegáronse ata o lugar para saudar e agradecer a visita dos monarcas.