Os retos dos sectores forestal, cárnico e das renovables debátense no Encontro de Sober
Os retos dos sectores forestal, cárnico e das renovables debátense no Encontro de Sober
Destacan a importancia de aproveitar os recursos naturais
Poñen a ollada nas enerxías renovable como xeradoras de riqueza e emprego
Ninguén discute no encontro de Sober o gran potencial co que conta o rural galego. Recursos naturais tradicionais como a castaña son un bo exemplo. Un produto con presente e moito futuro.
"Galicia produce máis do 50% da castaña de España e máis do 70% da castaña que producimos fai fóra de Galicia. É un sector en auxe que chega a máis de 30 países", explica Xesús Quintá, presidente da Indicación Xeográfica Protexida Castaña de Galicia.
Destacan outros recursos naturais, como a madeira ou a auga, como xeradores dunha industria sostible, de riqueza e emprego.
"Unha masa forestal que pode estar vinculadas á enerxía como son as plantas de biomasa, tamén hai moitas oportunidades vinculadas á enerxía eólica e tamén incluso os proxectos que hai de batería naturais como son as plantas de bombeo", sinala Víctor Ledo, secretario xeral de CCOO de Industria de Galicia.
Din que o diálogo a tres bandas entre a Administración, a industria e o rural son claves para avanzar e asentar poboación.
