Os sindicatos policiais reclámanlle ao Goberno melloras sociolaborais
Concentráronse na Cidade da Cultura en Santiago, ante a presenza do presidente do Goberno, para esixir que non se transfiran competencias estatais en seguridade a outros corpos como os autonómicos e reclamar a equiparación salarial e unha xubilación digna
Reclaman que sexa considerada unha profesión de risco
Representantes do Sindicato Unificado de Policía de Galicia concentráronse ás portas da Cidade da Cultura de Galicia ante a presenza do presidente do Goberno no lugar para facerlle chegar a súa reclamación de melloras sociolaborais para a Policía Nacional.
Rexeitan a transferencia ou, como eles din, a cesión, de competencias estatais en materia de seguridade que comprometen o seu traballo a corpos como os Mossos d'Esquadra.
Esixen que se lles dea a cualificación de profesión de risco, a equiparación salarial co resto de forzas de seguridade locais ou autonómicas e o dereito a unha xubilación digna. Denuncian que perden no retiro máis de 600 euros ao mes.
