Os traballadores dos despachos de billetes de Renfe da Coruña, en folga

Os traballadores dos despachos de billetes de Renfe protestan contra os erros do sistema informático. Dende o comité de empresa denuncian anulacións técnicas dos billetes por erros que ao traballador lle aparecen como ingresadas, pero que non se cobraron, co problema conseguinte, porque non cadran as contas, e tamén problemas coas prazas, que ás veces se duplican e aparecen máis das que realmente hai

Xa informaron de máis de 300 incidencias, que tamén din que acaban xerando situacións de estrés e moita ansiedade por enfrontamento moitas veces cos usuarios, polo malestar que se produce debido ao mal funcionamento do sistema"

Só estaban chamados a parar os despachos das estacións da provincia da Coruña, que por outra banda funcionaron con normalidade. Os sindicatos denuncian que os servizos mínimos que se convocaron son abusivos e non desbotan ampliar o paro ao resto de Galicia.