Os traballadores de Alcoa vólvense mobilizar en demanda de solucións para a factoría

Traballadores de Alcoa e veciños da Mariña concéntranse arestora en San Cibrao. Reclaman unha reunión urxente da comisión de seguimento para aclarar o futuro da factoría.

O comité de empresa lembra que Alcoa non concretou as vendas previstas nin puxo en marcha o plan enerxético alternativo para garantir a continuidade da produción. Por iso, piden que os gobernos central e autonómico obriguen a multinacional a concretar os compromisos adquiridos por todas as partes.