Os usuarios da A-52 demandan melloras no firme desta vía

Milleiros de condutores empregan a autovía que une Galicia coa meseta. Os que o fan a diario quéixanse do seu estado.

Din que o carril dereito da autovía é o máis danado e que o mal estado do firme aumenta o risco de accidentes, e máis, en condicións meteorolóxicas adversas.

Pensan que as tarefas de conservación destinadas a unha vía tan frecuentada son insuficientes.

A última vítima mortal faleceu nun  accidente á altura de Salvaterra do que aínda se investigan as causas. O próximo luns Tráfico ten prevista a colocación da barreira que nun sinistro anterior quedara estragada.