Óscar Mingueza, sancionado con dous partidos por "desconsideración" co colexiado
Óscar Mingueza, sancionado con dous partidos por "desconsideración" co colexiado
O colexiado do encontro sinalou na acta que o futbolista do Celta foi expulsado por dicirlle “houbo catro faltas e a min non me pitas nin unha, ti es un chulo”
O futbolista do Celta, Óscar Mingueza, foi sancionado con dous partidos polo Comité de Disciplina da RFEF, pola expulsión que sufriu á conclusión do partido contra o Athletic Club, e perderase os encontros ligueiros ante o Deportivo Alavés e o Valencia.
Unha sanción que, segundo a acta do devandito Comité, vén motivada por “actitudes de menosprezo ou desconsideración cara aos árbitros, directivos ou autoridades deportivas”.
O colexiado do encontro, o madrileño Ortiz Arias, sinalou na acta do encontro que o futbolista do Celta foi expulsado por dicirlle “houbo catro faltas e a min non me pitas nin unha, ti es un chulo”.
.png)
