A Deputación de Ourense promove a creación de comunidades enerxéticas locais
Son agrupacións de veciños e pequenas e medianas empresas que se asocian para producir a súa propia enerxía a través de instalacións fotovoltaicas e permite aforros no consumo de entre o 30 % e o 40 %
Reducir a dependencia das grandes compañías eléctricas e aforrar na factura da luz. Son algunhas da vantaxes de formar parte dunha comunidade enerxética local onde se xestionan de forma colectiva instalacións de enerxías renovables. A Deputación de Ourense promove 17 proxectos deste tipo a través dunha oficina transfronteiriza para a transición enerxética
No concello ourensán de Muíños xa teñen constituída unha comunidade enerxética. Nos vindeiros meses instalarán paneis solares fotovoltaicos na cuberta do pavillón. Producirán uns 100 quilowatts de enerxía renovables que se repartirán entre os membros da comunidade, veciños ou pequenas e medianas empresas, que poderán aforrar entre un 30 e un 40 por cento na factura da luz.
O de Muíños é un dos 17 proxectos de comunidades enerxéticas en Ourense e norte de Portugal aos que se lle dá soporte dende esta Oficina Transfronteiriza para o Apoio á Transición Enerxética. Súmanse a outra ducia de comunidades impulsadas tamén pola Deputación e coa que se busca asentar poboación no rural.
