Page non descarta recorrer o pacto entre PSOE e Junts

O presidente de Castela-A Mancha, Emiliano García Page, proclamouse totalmente en contra do pacto, xa firmado, entre o partido socialista e Junts. Tanto e así que afirma que presentará recurso se hai que facelo.

Aproveitou o acto de inauguración da nova resonancia magnética do Hospital Virgen de Altagracia (Manzanares) para posicionarse sobre este polémico acontecemento, do que se producen reaccións de forma incesante.

O líder oponse ao concepto de amnistía, falando dende España, "o que ten un pouquiño máis de valor", afirma. E non tolerará que "se faga unha relectura da Constitución, porque é borrar un delito que non se pagou".

Page critica publicamente as decisións que se están a tomar no seu propio partido, mostrando así certa división e conflito interno dentro da formación socialista. Considera que existe unha necesidade desmesurada de formar goberno por una parte e moitas ganas de librarse do cárcere pola outra, o cal "non ten ningunha virtude". E fronte a isto, non tolerará que alguén utilice a pluralidade de España para privilexios fiscais ou financeiros. 

  "Deixar a estabilidade en mans de alguén que odia España ou quere que os amnistíen os españois, pero que se non se cumpre o acordado volverá ás andadas, é para ter preocupación, cando non tristeza", dixo.

Sinala a Puigdemont como culpable e recalca que as leis que foron aplicadas a Puigdemont, foron consensuadas por todos os partidos, incluíndo o PSOE. Polo tanto, estase "intentando reescribir o que sucedeu", e iso é "enganarse".

Destaca que sempre vai ter unha "posición firme pero moi respectuosa", e fai fincapé en que ten fe en que as cousas cambien: "Sobran resortes legais, constitucionais e democráticos en España para que as cousas cambien o seu actual camiño"

Outros presidentes autonómicos como Isabel Díaz Ayuso, Juanma Moreno e Carlos Mazón expresaron este venres o seu rexeitamento ao contido dos pactos do PSOE cos independentistas cataláns para facer posible a reelección de Pedro Sánchez á fronte do Goberno.

A presidenta madrileña publicou esta mañá unha mensaxe na rede social X en que afirma que "España non é negociable" e convida os cidadáns a participar o domingo na manifestación convocada polo seu partido contra a amnistía.

O presidente andaluz, Juanma Moreno, cre que Pedro Sánchez "é o presidente que máis está a dividir a España" e "está a xerar unha gravísima crise institucional, política e social, que probablemente tamén será económica" e cualificou o acordo con Junts como "un paso máis na degradación do sistema democrático".

O presidente da Generalitat Valenciana, Carlos Mazón, reprochou que en España haxa quen se dedique a poñer "máis muros, máis valos e máis impedimentos á convivencia, ao encontro e á unidade", así como a lanzar mensaxes de que existen diferentes "categorías" entre os españois.

Alfonso Fernández Mañueco, presidente de Castela e León, apelou á "serenidade" e ao marco constitucional para combater a "humillación e a infamia" que na súa opinión representan os pactos do PSOE para conseguir a investidura. "Imos defender con firmeza o Estado de dereito, o noso marco de convivencia, a democracia e a Constitución", asegurou Mañueco.

Á súa vez, a presidenta de Cantabria, María José Sáenz de Buruaga, adiantou que vai pedir a convocatoria da Conferencia de Presidentes porque é o momento de "construír unha alianza" das comunidades autónomas "fronte aos privilexios e a desigualdade" que ve nos acordos subscritos polo PSOE cos independentistas.

A secretaria xeral do PP, Cuca Gamarra, chamou este venres aos "cidadáns indignados" a manifestarse contra o acordo alcanzado por PSOE e Junts para a investidura de Pedro Sánchez, e ao presidente de Castela-A Mancha, Emiliano García-Page, instoulle "a dar a batalla, pasadomañá será tarde".

Emprazouno a "deixarse de palabras ocas". "Quen non plantase batalla agora, podéndoo facer será tan responsable como Pedro Sánchez". E en concreto, Gamarra estendeu o chamamento a todos os socialistas "que din isto en privado ou en público emiten estes testemuños".

A vicepresidenta terceira e ministra para a Transición Ecolóxica e o Reto Demográfico en funcións, Teresa Ribera, tachou de "desacertados e antidemocráticos" os chamamentos á desobediencia e á violencia no contexto das protestas contra a aprobación dunha lei de amnistía convocadas fronte a sedes do PSOE.

"É lexítimo protestar, argumentar en contra de calquera decisión que se tome (...) pero non creo que a maneira na que se expresou, e en concreto a maneira na que algúns líderes de formacións políticas cualificaron e xeraron irritación ao redor de cousas que son falsas, contribúa a ese espazo de convivencia", dixo Ribera á prensa desde o Congreso do Partido Socialista Europeo en Málaga.