Un grupo de xubiladas reclama poder volver sentar xuntas no patio de butacas
Un grupo de xubiladas reclama poder volver sentar xuntas no patio de butacas
Piden a eliminación das barreiras arquitectónicas no Teatro Afundación de Vigo
Unha delas, que usa cadeira de rodas, ten que ficar soa no primeiro anfiteatro
Malia o esforzo de moitas administracións, aínda quedan barreiras arquitectónicas que dificultan a vida de moitas persoas. Un grupo de xubiladas de Vigo reclama a mellora da accesibilidade no Teatro Afundación para poder sentar xuntas no patio de butacas.
Levaban anos compartindo funcións neste auditorio, pero agora, cos problemas de mobilidade, é case imposible. Teñen que acceder por unha pequena porta ás veces pechada e sen bedel, subir a rampla sempre con axuda e a que vai en cadeira de rodas, ficar soa no primeiro anfiteatro.
Insisten tamén na varanda das escaleiras principais e algo tamén na acústica. Fontes de Afundación considera que o teatro é accesible para persoas con mobilidade reducida pola pendente lateral, pero é practicamente imposible que o ascensor chegue ao patio de butacas.
Malia e todo, Afundación está acometendo un novo informe técnico para ver se é posible mellorar as condicións do edificio tal e como solicitan as persoas e colectivos afectados.
