PNV e PSE asinan o pacto para un Goberno de coalición que fara a Pradales lehendadari
PNV e PSE asinan o pacto para un Goberno de coalición que fara a Pradales lehendadari
Será o terceiro Goberno vasco de coalición consecutivo entre os dous partidos tras últimos de Iñigo Urkullu
Nesta ocasión o PSE terá máis peso no organigrama ao mellorar a súa representación tras as eleccións de abril
![Ortuzar, Andueza e Pradales tras asinar o acordo (Europa Press/Iñaki Berasaluce)](https://img-g24-crtvg.flumotion.com/prog24/2024/20240619/pnv-pse-ortuzar-andueza-pradales-acordo-EuropaPressInakiBeresaluce-190624.jpg)
Os máximos dirixentes do PNV, Andoni Ortuzar, e do PSE-EE, Eneko Andueza, e o futuro lehendakari, o nacionalista, Imanol Pradales asinaron este mércores o acordo para reeditar o Gobierno Vasco de coalición para os próximos catro anos.
Ortuzar, Andueza e Pradales escenificaron na cámara vasca a firma deste acordo que foi ratificado pola Asemblea do PNV e pola militancia socialista. Será o terceiro Gobierno Vasco de coalición consecutivo entre ambos os partidos tras os dous últimos Executivos de Iñigo Urkullu, aínda que nesta ocasión o PSE terá máis peso no organigrama ao mellorar a súa representación no Parlamento.
O contido completo do pacto darase a coñecer este xoves durante o pleno de investidura do lehendakari, aínda que no preacordo feito público o 10 de xuño perfílanse algúns compromisos como a elaboración das bases dun novo pacto estatutario, o recoñecemento de todas as vítimas de vulneracións de dereitos humanos, unha sanidade pública de máxima calidade e unha aposta polo emprego de calidade, a reindustrialización e o acceso á vivenda.
Con este acordo Pradales será designado lehendakari coa maioría absoluta do Parlamento Vasco ao contar cos 27 votos dos parlamentarios do PNV e os 12 do PSE, en total 39 dos 75 representantes da XIII Lexislatura vasca, e impoñerase á candidatura de Pello Otxandiano (EH Bildu), que conta con 27 escanos.