Podemos asume o veto a Irene Montero e asegura que está a disposición de Sumar

Podemos asume o veto a Irene Montero nas listas electorais de Sumar. Ione Belarra dixo esta mañá que intentaron que Yolanda Díaz rectificase pero non o conseguiron. Na súa intervención no consello cidadán, a secretaria xeral de Podemos insistiu en que os intereses do país están por riba dos do partido.

Explicou que o seu papel na próxima campaña dentro de SUMAR será modesto, e que van estar a disposición do que lle pida a formación que lidera Yolanda Díaz. Belarra, que vai de número 5 na lista de Madrid, volveu mostrar o seu apoio a Irene Montero.