Pódense medir as competencias financeiras que temos?

Son tres as preguntas que fai o Banco de España baixo aspecto de problema escolar. "- Poderían mercar máis ou menos se sobe a inflación? -Menos". Correcto.

Esta é a resposta que dan un 65 por cento dos enquisados, que polo tano acertan. A cousa cambia cando se fala de tipos de xuro ou diversificación do risco.

Segundo esta proba, o 81 por cento dos enquisados fallou nalgunha das respostas. Por iso, sobre cultura financeira, di o Banco de España que aínda queda marxe de mellora, xa que con estes datos España queda por debaixo da media da OCDE.