Unha veciña de Cospeito de 76 anos morre nun accidente de tráfico en Rábade

 Unha veciña de Cospeito, unha muller de 76 anos de idade, perdeu ao vida este mércores nun accidente de circulación que se produciu no municipio lucense Rábade.

Segundo a información difundida pola Garda Civil de Tráfico, o sinistro produciuse ás 16.00 horas, á altura do quilómetro 515 da estrada Nacional 6.

O accidente produciuse a causa dunha colisión frontolateral entre un camión e un turismo. A falecida viaxaba no asento posterior esquerdo do vehículo.

Tamén resultaron feridos no sinistro a condutora do turismo e a persoa que viaxaba no asento do copiloto. O condutor do camión saíu ileso.