Por que os universitarios elixen Santiago?
Por que os universitarios elixen Santiago?
Por motivos académicos, pero tamén por outras razóns que argumentan os alumnos: é cómoda, ten unha ampla oferta cultural e de lecer e moito ambiente universitario
O alugueiro de vivendas a estudantes é un nicho de mercado importante para o negocio inmobiliario
Santiago é a cidade universitaria galega por excelencia. Este curso acolle algo máis de 21 mil estudantes universitarios. Unha poboación flotante que se converte nun elemento dinamizador da cidade e tamén nun motor económico.
Santiago ten algo máis de 100 mil habitantes censados este ano. Unha poboación que durante o curso se incrementa co masa de estudantado universitario. Algo máis de 21 mil alumnos están matriculados este curso nas facultades compostelás. Elixen Santiago por motivos académicos, pero tamén por outras razóns que argumentan os alumnos: é cómoda, ten unha ampla oferta cultural e de lecer e moito ambiente universitario.
O alugueiro de vivendas a estudantes é un nicho de mercado importante para o negocio inmobiliario. Pero desde o sector aseguran que a oferta non se esgota en xuño.
Son moitos os negocios orientados a cubrir as necesidades do tecido universitario que xorden na contorna dos campus, como copisterias ou cafetarias.
En definitiva, os estudantes danlle vida á cidade e viceversa