Porriño e Guardés sacan adiante os seus partidos en terras asturianas
Porriño e Guardés sacan adiante os seus partidos en terras asturianas
O Mecalia acadou en Oviedo a quinta vitoria consecutiva
Triunfo axustado do Conservas Orbe en Xixón
Mecalia Guardés e Conservas Orbe Porriño seguen no bo momento na Liga Guerreras. Os dous equipos galegos lograron o triunfo como visitantes e os dous manteñen o pulso para remataren nos catro primeiros postos da fase regular.
O Mecalia na pista do Oviedo (23-28) na quinta vitoria consecutiva. O partido mantívose moi igualado na primeira metade pero na segunda as guardesas fixeron un parcial de 1-5 (20-25) co que racharon o marcador. Pauli Fernández e Ania Ramos foron as máis atinadas cara a porta contraria con cinco goles.
O Porriño gaña na pista do Xixón
Máis apertado foi o triunfo do Conservas Orbe Rubensa Porriño que se impuxo diante do La Calzada de Xixón por 18-19. Predominaron as defensas sobre os ataques xa desde o inicio (8-8 ao descanso) e o Porriño entrou nos últimos dez minutos por debaixo no marcador (15-14).
No intre final chegou o momento de maior tino na parte ofensiva con todas as alternativas de Abel Estévez anotando e acadando un axustado e suculento triunfo.
