Portugal prohibe que os barcos turísticos se acheguen ás candorcas

Portugal xa tomou medidas debido aos comportamentos cada vez máis agresivos das candorcas, e as embarcacións turísticas e de observación terán prohibido ata final do ano achegarse aos grupos destes cetáceos.

As autoridades portuguesas detectaron que o número de interaccións das candorcas con embarcacións de pequeno tamaño multiplicáronse nos últimos tres anos. Apuntan a comportamentos máis hostís desta especie, algo que antes só se rexistraba nos individuos máis novos.

E ante posibles accidentes, este martes o Instituto Portugués da Natureza decidiu prohibir ata final do ano que os barcos turísticos e de observación de cetáceos se acheguen aos bancos destes animais.

Se pola contra fosen as candorcas as que se achegasen sen ser detectadas pola tripulación, os navegantes deberán deter o barco sen apagar o motor e agardar a que se afasten.