A presidenta do PP estremeño plántase ante Vox: repetirá eleccións antes de gobernar con eles

A presidenta do PP de Estremadura, María Guardiola, afirmou este martes que irán a eleccións se é preciso ante a falta de acordo con Vox para garantir a súa investidura.

 Vox "antepuxo as súas ansias de poder e esa soberbia ao cambio", dixo Guardiola.

A falta dun acordo entre PP e Vox permitiu que a Presidencia da Cámara rexional vaia a mans do PSOE.  

A presidenta do PP asegurou nunha rolda de prensa que tentou "por todos os medios" e "ata última hora" chegar a un acordo con Vox, algo que non foi posible, tras o que reafirmou que "agora mesmo non é o poder o que está xogo, é a dignidade desta terra", dixo.  

"Eu non podo deixar entrar no goberno a aqueles que negan a violencia machista", así como "a quen coloca unha lona e tiran á papeleira a bandeira LGTBI", reafirmou Guardiola.

O PP ofreceulle a Vox a presidencia da Cámara autonómica, unha secretaría da Cámara e designar o senador da comunidade pero negouse a gobernar en coalición coa formación de Abascal.

Blanca Martín con Guillermo Fernández Vara, tras ser elixida presidenta da Asemblea de Estremadura (EFE/Jero Morales)

Vox queda fóra da Mesa da Asemblea de Estremadura

Vox quedou fóra da Mesa da Asemblea de Estremadura tras non obter ningunha das tres segretarías, que repartiron PSOE, PP e Unidas por Estremadura, e de que a presidencia e a vicepresidencia primeira fosen parar a mans socialistas e a vicepresidencia segunda, a populares.

O PSOE vai como "lóxica matemática" presidir a Asemblea de Estremadura e o seu goberno

A voceira da Executiva Federal do PSOE, Pilar Alegría, incidiu en que por "lóxica matemática" ao PSOE non só lle corresponde presidir a Asemblea de Estremadura, senón tamén o goberno autonómico, e criticou a "falsidade" do líder do PP, Alberto Núñez Feijóo, cando pide que goberne a lista máis votada.

"Se a palabra de Feijóo tivese máis valor que un euro de madeira deberiamos ter 52 alcaldes máis socialistas", dixo a ministra de Educación en declaracións aos medios tras acusar a Feijóo de "ocultar as súas verdadeiras intencións" e de "un cinismo" que "roza o insulto".