Unha praga de moscas invade Carregal, en Tomiño

Cando chega abril as moscas invádeno todo no lugar de Carregal en Tomiño. Os veciños loitan contra elas con todos os métodos: sopretes, cintas adhesivas, sprays, inhibidores. Xa non saben que facer. Son ademais insectos moi resistentes.

Na zona consideran que a súa presenza cada primavera se debe á proliferación de fertilizantes dos cada vez máis extensos cultivos da localidade, onde hai desde pementos ata flores, pasando por vides e por kiwis ou aguacates.