Os empresarios dos salóns de peiteado expresan preocupación pola redución da xornada laboral
Os empresarios dos salóns de peiteado expresan preocupación pola redución da xornada laboral
O sector fixo público un comunicado onde alerta das graves consecuencias laborais que suporá para eles a posible redución da xornada laboral
Aseguran que non só destruirá emprego, senón que precarizará aínda máis un traballo xa de por si castigado cun IVE moi alto, do 21 %
É o sector que máis autónomos ten, é dicir, case o 84 %. A posible redución da xornada laboral, pasar das corenta a trinta e sete horas e media semanais, cren que só facilitará a destrución dun emprego onde a maioría son mulleres.
Con esta medida, din que os autónomos terán que traballar máis horas para poder facer fronte aos salarios dos seus empregados.
A suba dos prezos para os seus clientes cren que non é a solución a un problema que podería fomentar a economía somerxida.
En setembro celebrarase unha nova reunión para abordar este tema da redución da xornada laboral onde estarán representadas as principais patronais nacionais, autonómicas e locais. Alí formularán, entre outras cousas, esa baixada do IVE do 21 ao 10 %. Medida que, din, axudaría a afrontar os custos salariais.
