Preséntase en Santiago o Manifesto da Economía Social
Preséntase en Santiago o Manifesto da Economía Social
Un modelo empresarial que pon os beneficios sociais por diante da rendibilidade financeira
Santiago, capital española da Economía Social, convértese en escaparate das posibilidades que ofrece un modelo que pon os beneficios sociais por diante da rendibilidade financeira. Xa supón o 10 % do produto interior bruto español e o 7 % do galego. A conselleira de Promoción de Emprego lembrou que a Xunta inviste anualmente 35 millóns de euros nun modelo comprometido co emprego estable, a igualdade e o medio rural.
"Temos que chegar aos estudantes, que saiban que esta é unha opción e que coñezan as vantaxes que teñen estas entidades con carácter social", asegurou a conselleira María Jesús Lorenzana.
A vicepresidenta Yolanda Díaz participou no evento en que se presentou o Manifesto da Economía Social e visitou a cooperativa láctea CLUN.
"É un exemplo de cooperativismo no noso país e ademais é un exemplo de cooperativismo agrogandeiro que pecha o ciclo produtivo, o cal é de grande importancia para a economía social", dixo Díaz.
A vicepresidenta animou estas empresas cooperativas a acollérense ás axudas do PERTE específico de Economía Social que acaba de aprobar o Goberno.
